برمجة تطبيقات أندرويد تكمل شغلك حتى من غير إنترنت

إيه اللي بنبنيه في تطبيقك؟

إمتى تحتاج تطبيق أندرويد مش موقع؟

مش كل شغل محتاج تطبيق. التطبيق بيفرق لما:

• فريقك شغال في محل أو في الشارع، والنت بيقطع في نص الشغل.
• محتاج تطبع إيصال أو تبعت فاتورة للعميل في نفس اللحظة.
• الموظفين بيستخدموا الموبايل طول اليوم، والمتصفح مش عملي ليهم.

لو عملاءك بس اللي هيستخدموه وهما على نت كويس، غالبًا موقع أو نظام ويب كفاية؛ شوف برمجة المواقع والأنظمة. ولو هتبيع التطبيق لعملاء كتير باشتراك، شوف تطوير منصات SaaS. ولو طلبات عملاءك بتيجي على واتساب، شوف أتمتة واتساب.

بنبني بإيه، والتحديثات بتوصل إزاي؟

بنستخدم Flutter لبناء تطبيقات أندرويد، وده نفس اللي مبني بيه تطبيق سيستم المحلات. التطبيق بيتكلم مع نظام الويب بتاعك، فالبيانات اللي بتتسجل من الموبايل بتظهر في لوحة الإدارة والتقارير.

الشغل من غير نت محتاج تصميم من الأول

مش إضافة بتتحط في الآخر: لازم نحدد إيه اللي يتحفظ على الموبايل، وإزاي يتزامن من غير ما العملية تتكرر لو النت فصل في النص.

طريقة التوزيع والتحديث

تطبيق سيستم المحلات بيتنزّل كملف APK من موقعنا، وكل إصدار له رقم واضح. طريقة توزيع تطبيقك بنتفق عليها في جلسة المتطلبات حسب مين هيستخدمه.

برمجة تطبيقات اندرويد: إيه اللي محتاج تجهزه لجلسة المتطلبات؟

الجلسة مجانية وعلى واتساب، وكل ما الصورة تكون أوضح، كل ما نقدر نقولك السعر والمدة بدقة أكبر:

• مين هيستخدم التطبيق: موظفينك، ولا عملاءك، ولا الاتنين، وعددهم التقريبي.
• الشغل من غير نت: إيه العمليات اللي لازم تكمل لو النت قطع، وإيه اللي ممكن يستنى.
• الأجهزة والطباعة: نوع الموبايلات والطابعات اللي عندك أو ناوي تشتريها.
• النظام الحالي: هل عندك نظام ويب أو شيتات أو برنامج حسابات التطبيق لازم يتربط بيه.
• الشاشات الأساسية: أهم 3 أو 4 حاجات الموظف بيعملها طول اليوم.

ولو لقينا إن موقع أو نظام ويب كفاية لشغلك من غير تطبيق، هنقولك ده بصراحة.

خطوات برمجة التطبيق

1. 1

   جلسة متطلبات

   نحدد مين هيستخدم التطبيق، وإيه اللي لازم يشتغل من غير نت، من غير التزام.

2. 2

   نموذج أولي

   تجرّب الشاشات الأساسية على موبايلك قبل التنفيذ الكامل.

3. 3

   إطلاق ودعم

   نسلّم التطبيق، ندرّب فريقك، ونطلع تحديثات حسب استخدامهم.

أسئلة شائعة عن برمجة تطبيقات أندرويد

ولو كل اللي محتاجه موقع تعريفي أو متجر، يبقى مش محتاج نظام: شوف باقات المواقع والمتاجر بأسعارها.

ليه تشتغل مع برمجلى؟